Cynhadledd fusnes GRRaIN
15 Rhagfyr 2023
GRRaIN – cynhaliodd Rhwydwaith Twf, Gwydnwch Gwledig ac Arloesi Prifysgol Aberystwyth gynhadledd fusnes ar Gampws AberArloesi. Roedd y digwyddiad yn gyfle i fusnesau lleol, ymchwilwyr prifysgolion a rhanddeiliaid lleol rwydweithio gyda’i gilydd a thrafod cyfleoedd i gydweithio ar heriau’r dyfodol.
Cafodd y digwyddiad ei ariannu’n rhannol gan Hybiau Prifysgol Aberystwyth “yr Hwb Dyfodol Gwledig” a “Our AI Enabled World”. Roedd themâu’r gynhadledd yn canolbwyntio ar themâu’r Hwb Dyfodol Gwledig – Cymuned, Cysylltedd, Menter, yr Amgylchedd ac Iechyd a Lles, gan ganolbwyntio’n benodol ar yr heriau sy’n wynebu amgylcheddau gwledig.
