CANOLFAN DEALLUSRWYDD ARTIFFISIAL (DA) 

Mae Ein Byd sydd wedi’i alluogi gan Ddeallusrwydd Artiffisial (Gwthio Dynoliaeth yn ei Blaen) yn llwyfan trawsddisgyblaethol sy’n dwyn ynghyd ymchwilwyr ac ymarferwyr o ddisgyblaethau lluosog ar lefelau lleol, rhanbarthol a rhyngwladol.  Mae DA yn ymwneud â phob lefel o gymdeithas ac yn yr oes bresennol mae bron i hanner y ddynoliaeth yn defnyddio technolegau rhyngrwyd. Mae datblygiadau mewn DA yn amrywio o roboteg a dysgu peirianyddol, prognosis iechyd, darganfod cyffuriau, a bwydydd yn y dyfodol. Mae cymwysiadau’n amrywio o algorithmau arwain a gwneud penderfyniadau, i ddatblygiadau mewn ymarfer celfyddydol (e.e. crochenwaith rhithiol), er bod angen cymryd gofal gyda’r canlyniadau a gynhyrchir gan DA.   

Nod y grŵp yw gosod agendâu newydd ar gyfer hyrwyddo DA ac ymchwil sy’n cynnwys defnyddio DA. Bydd y grŵp yn defnyddio adnoddau ymchwil rhagorol Prifysgol Aberystwyth i ddatblygu ac arwain cydweithrediadau gyda phartneriaid academaidd, llunwyr polisi, asiantaethau, diwydiant a chymunedau, a bydd yn adeiladu ar rwydweithiau a chysylltiadau presennol yn lleol, yn genedlaethol ac yn rhyngwladol. Dylid nodi bod y datblygiad hwn yn cyd-fynd â Strategaeth DA Genedlaethol y DU.