AMDANOM NI 

Ein prif nod yw tynnu sylw at bwysigrwydd DA mewn meysydd megis archwilio / darganfod, modelu rhagfynegol, creu, dadansoddi ymddygiad, yn ogystal ag ystyried datblygiad damcaniaeth DA, moeseg, ymyriadau a thechnoleg galluogi. Bydd y grŵp yn gweithredu fel canolfan ar gyfer cydweithredu rhwng adrannau a disgyblaethau, a bydd yn cynnwys cynrychiolwyr o ganolfannau adrannol presennol, rhanddeiliaid allanol, busnesau a grwpiau ymchwil sy’n canolbwyntio ar DA i hwyluso cysylltiadau rhyngddisgyblaethol. Bydd y grŵp hefyd yn rheoli cynllunio strategol ar gyfer cyfleoedd cyllido a pholisi, yn cydlynu ymgysylltu â’r cyhoedd a pholisïau, ac yn adeiladu màs critigol y gymuned DA yn Aberystwyth i gynyddu enw da, brandio a gwelededd allanol.  

Objectives

• I arddangos y cyfoeth o wybodaeth am DA a gedwir ym Mhrifysgol Aberystwyth drwy amrywiaeth o lwybrau gan gynnwys ymchwil, rhwydweithiau academaidd a busnes a gwaith trawsddisgyblaethol sy’n cynnwys DA.  
• Cefnogi aelodau i ymgymryd ag ymchwil ym maes DA sy’n rhyngddisgyblaethol, yn arwain y byd ac sy’n ddylanwadol, gan arwain at ganlyniadau sy’n newid bywydau megis: a) creu systemau DA newydd i drawsnewid cymdeithas, b) datblygu technegau DA o’r radd flaenaf ar gyfer cymwysiadau byd go iawn, c) astudiaeth o ryngweithiadau bodau dynol-DA.  
• Hwyluso’r genhedlaeth nesaf o ymchwilwyr a alluogir gan DA trwy ddatblygu cymuned ymchwil DA gydweithredol yn PA sy’n cynnwys ymchwilwyr ar ddechrau eu gyrfa, myfyrwyr ymchwil (PhD a DProf), ac ymchwilwyr ar ddechrau eu gyrfa o amrywiaeth eang o ddisgyblaethau.    
• Darparu llwyfan rhyngweithiol i PA gydweithio â llywodraeth, diwydiant a phartneriaid academaidd / gwyddonol eraill. Bydd hyn yn hwyluso cyfnewid gwybodaeth yn ogystal ag arloesi a bydd yn creu sylfaen ymchwil gynaliadwy ar gyfer hyfforddiant yn y dyfodol ac ecsbloetio technegau newydd yn fasnachol yn yr ardal.   
• Datblygu sylfaen gadarn fathemategol sylfaenol o ddulliau DA i gynorthwyo esboniadwyedd a datblygu technegau arloesol newydd.  
• Sefydlu’r seilwaith gofynnol (e.e. rhannu data, storio a rheoli) i hwyluso ymchwil ryngddisgyblaethol.   

GWEITHGAREDDAU 

Bydd datblygu’r ganolfan Ein Byd sydd wedi’i alluogi gan Ddeallusrwydd Artiffisial yn canolbwyntio ar feysydd ymchwil presennol a newydd ym Mhrifysgol Aberystwyth. I ddechrau, mae saith thema o’r fath o fewn y ganolfan, a ddisgrifir isod. Byddwn yn defnyddio digwyddiadau melin drafod (a ariennir o bosibl), a fydd yn agored i bawb ac a allai fod â chyllid yn gysylltiedig â nhw, i gynyddu nifer y themâu a chyfranogiad mewn themâu presennol.  

Byddwn yn cynnal digwyddiad blynyddol i rannu’r ymchwil a ddatblygwyd yn y ganolfan, sy’n debygol o fod ar ffurf digwyddiad 3MT, lle mae ymchwilwyr yn defnyddio 3 munud ac 1 sleid i ddisgrifio eu hymchwil i gynulleidfa gyffredinol.  

THEMÂU CYCHWYNNOL

Bydd y grŵp Ein Byd sydd wedi’i alluogi gan Ddeallusrwydd Artiffisial yn canolbwyntio ar 7 thema allweddol sy’n gysylltiedig â DA. Bydd y themâu hyn yn tynnu ar arbenigedd ymchwil ymhlith staff PA sy’n ymwneud â llunio gwaith y grŵp yn ei gamau cynnar (rydym yn croesawu cyfranogiad yn y meysydd hyn a hwylusir trwy alwad agored):   

• Archwilio a Darganfod  
• Moeseg  
• Dadansoddi Ymddygiad  
• Modelu Rhagfynegol  
• Damcaniaeth DA a Datblygu  
• Ymyriadau  
• Creu